اشتغل بصنعتك، و إحنا نجيب لك الشغل
سجّل من التطبيق، و وثّق حسابك ببطاقتك و فيديو قصير، و ابدأ تستقبل طلبات من المناطق اللي بتشتغل فيها.
ليه تشتغل مع أمان فيكس
شغل قريب منك
بتحدّد مناطق شغلك، و الطلبات اللي بتوصلك من جوّاها بس. مفيش مشاوير ضايعة لآخر البلد.
وقتك في إيدك
مفتاح واحد في التطبيق: متاح أو مش متاح. و المواعيد اللي بتقبلها بتظهر لك في جدول واضح.
حسابك واضح
محفظة فيها كلّ طلب و كلّ عمولة و كلّ دفعة، بكشف حساب تقدر ترجع له في أيّ وقت.
سعرك بعد ما تشوف بعينك
بتكشف الأوّل و بعدين تبعت السعر في التطبيق، و العميل يوافق قبل ما تبدأ. مفيش مفاجآت للطرفين.
اسمك بيكبر
كلّ طلب بتخلّصه و كلّ تقييم كويس بيظهر في ملفّك، و العميل بيشوفه و هو بيقبل الفنّي.
دعم مخصّص للفنّيين
رقم واتساب و تليفون لفريق الفنّيين بس، علشان سؤالك ما يتوهش وسط أسئلة العملاء.
خطوات الانضمام
- 1حمّل التطبيق و اختار «فنّي»اعمل حسابك برقم موبايلك و اختار الخدمات اللي بتشتغل فيها.
- 2وثّق حسابكصوّر بطاقتك و سجّل فيديو قصير من التطبيق، و أيّ مستندات تانية لو اتطلبت منك.
- 3المراجعةفريقنا بيراجع بياناتك. و لو في حاجة محتاجة تتعدّل، بنقولك بالظبط إيه علشان تبعتها تاني.
- 4ابدأ تستقبل الطلباتحدّد مناطق شغلك و خلّي نفسك متاح، و الطلبات الجديدة هتوصلك بإشعار فوريّ.
هتحتاج إيه
- بطاقة رقم قومي سارية
- موبايل أندرويد عليه إنترنت
- خبرة حقيقيّة في الصنعة اللي بتسجّل فيها
- عدّتك الأساسيّة جاهزة معاك
أسئلة الفنّيين
التسجيل بفلوس؟
لا، إنشاء الحساب و التوثيق من غير أيّ رسوم. المنصّة بتاخد عمولة على الطلبات اللي بتخلّصها، و بتظهر لك في المحفظة.
أقدر أشتغل في أكتر من صنعة؟
أيوه، بتختار كلّ الخدمات اللي بتعرفها وقت التسجيل، و الطلبات بتوصلك على حسبها.
التوثيق بياخد وقت قدّ إيه؟
على حسب ضغط المراجعة و اكتمال بياناتك. لو كلّ حاجة واضحة من أوّل مرّة المراجعة بتخلص أسرع، و لو في حاجة ناقصة بنبلّغك في التطبيق.
لو مش عايز أشتغل يوم معيّن؟
اقفل مفتاح الإتاحة من التطبيق، و مش هتوصلك طلبات لحد ما تفتحه تاني.
فلوسي بتوصلني إزّاي؟
في الكاش بتستلم من العميل مباشرة، و في الدفع الإلكترونيّ المبلغ بيتسجّل في محفظتك و تطلب سحبه من التطبيق.