حلول و تجديد و صيانة الأثاث

في أغلب الأحوال ينفع. قول للفنّي من الأوّل إنّك عايز تحافظ على اللون الأصليّ و ملمس الخشب القديم، فبدل الكشط الكامل ممكن يكتفي بالتنظيف، و ترميم الأماكن اللي اتخدشت، و تلميع خفيف. و صوّر الأويما و التفاصيل الدقيقة من قريب في الطلب، عشان يعرف هيتعامل مع إيه.

ده بيتوقّف على الخامة. لو خشب طبيعيّ، بيتساب ينشف كويس و بعدين يتصنفر و يتعالج. لو خشب مضغوط أو إم دي إف، الجزء المنفوخ غالباً ما بيرجعش، و الحلّ تغيير القاعدة أو اللوح المتضرّر بس. و قبل أيّ تصليح، اعرف المية جت منين عشان المشكلة ما تتكرّرش.

بما إنّ كلّ طلب بيتعمل على عنوان واحد، الأسهل تعمل طلبين: واحد للفكّ في الشقّة القديمة، و واحد للتركيب في الجديدة. اكتب في الاتنين القطع بالتفصيل، و هل فيها مرايات أو إزاز. أمّا العربيّة و النقل نفسه، فدول بيترتّبوا لوحدهم.

غالباً لا. الزيّاق معناه إنّ الوصلات فكّت و الخشب بيحكّ في بعضه. التصليح الصحّ إنّ الوصلة تتفكّ، و تتنظّف من الغرا القديم، و تتلزق و تتربط لحدّ ما تنشف. المسامير اللي بتتدقّ على السريع ممكن تسكّت الصوت كام يوم، لكنّها بتشقّ الخشب مع الوقت.

لمّا الشغل محتاج مساحة و تهوية و وقت عشان الدهان ينشف، زيّ إعادة دهان سفرة كاملة، أو لمّا التصليح فيه تفصيل أجزاء جديدة ما ينفعش يتعمل في الشقّة. الفنّي بيوضّح ده في المعاينة قبل ما توافق، و الأفضل تتسجّل صور القطعة في الطلب قبل ما تخرج من البيت.